Visite Père Noel

VISITE PÈRE NOEL
Samedi 10 décembre, mo papa dire mwa a nou all guette pere noel et ki mo pou gagne ene kado are li.
Kan nou fine arriver, nou ti bizin passe par ene couloir cotte ena
boucou koungkoung ek popo p zouer mahjong. Mo ti p dire ca meme banne pere noel ek banne mere noel ca?
Mais kan fine rentre dans grand la salle la,
mo trouve ena boucou zenfants ek ene grand pié sapin, bien décoré avec boucou kado enbas li.
Mais bohomme noel pas la.
Lor ene grand la table ti ena boucou manger, ki banne dimoune ine fine amener pour partager. Vers midi nou ine saute
lor manger. Ti ena ti dipain avec mayonnaise ek saochu, ti ena pizza, ti ena poutou diriz, mine, aroui et banne lezotte gazhags.
Alla banne parents la nana la!
Moi mo lizié ti lor banne kado la et mo p commence perdi patience. Finalement tous zanfants ti fine assizer autour
sapin, ti p chante bohomme noel. Ler la meme bohomme noel la arriver. Mari choc mo gagner, car li pena ventre...mais
pas grave, sirman li fine faire rézime dernierment et limportance c ki li fine distribuer tous kado. Tous mo banne camarades
ine bien contents et zotte tous ine ouvert zotte kados pou commence zouer. Mari top. Pas bizin dire ki tellement nou p concentrer are
nou zouzou ki nou fine blier pere noel. Mais kan meme nou fine dire li au revoir.
Mo ti trouve drole ki kan pere noel ti la, ti manque ene bougre appelle Tony. Kan pere noel fine aller, bougre Tony la ine
retourne dans la salle. Sirman li meme ki faire chauffeur pere noel.
Ti ena ene lotte bougre appelle Patrick ki ti p faire ene discours, p remercier banne organizaters: Tony, Rollande, Agnès etc etc...
Mo mama dire mwa ki li meme président. A b ki pays ?
Apres ca tous zenfants ti zouer musical chair. Ti ena aussi ene lotte zouer ki passe passe bouteille.
Vers 15:00 zotte tous ine bien zouer ek amizer ek fine arrive ler pou retourne la caze.
Moi mo envi passe ene ti message banne organisateurs au nom tous banne zenfants ki ti la: Merci beaucoup, zotte ine faire ene mari zoli ti fete.


Ene zenfant.
Photos are courtesy of Michael Chan